क्यालेण्डर फेरिंदैमा

- नारायण तिवारी

क्यालेण्डर फेरिंदैमा
अमुक/अमुक कुराहरू पनि
फेरिने भए पो !

के छ र नयाँ....
उही जबर्जस्ती थिचथाच पारिएको
पुरानो खपडाको छानोको पुरानो थोत्रे घर
उही, खानसमेत दिएनन् भनेर मुख बाउने
पुरानै हजूरआमा बूढी
उही, माता– पिताको सदाको गनगन
छोराले फुर्सद दिनुपर्ने ..... !

मेरो असमर्थ आ“खा पत्नी पढ्छे
ऊ चाहिं मलाई चिन्ता नबोकाउन
चुपचाप आ“सु पिउ“छे अझै पनि
यो वर्षको क्यालेण्डर थोत्रिएर फेरिंदा पनि.....

क्यालेण्डर फेरिंदैमा
बहुलाहा समाजका कुराहरू पनि
फेरिने भए पो !
के छ र नया“....

आजकाल जुलुसमा हिंड्नुहुन्न भनेर
सिकाउ“छन् मातापिताहरू
उत्सर्गप्रतिको कुनै हौसला छैन
जसले बढी से बढी कमाएको छ
उसकै गुन गाउ“छन् मातापिताहरू
कमाउन नसकेका छोराप्रति
उदासिनता, विरक्ति...
खै ! इमान नबेचेर हाड खियाएको श्रमको मूल्य !
खै फेरिएको नेपाली छोराको जिन्दगी !!

उफ् ! विरसिलो समय, घण्टा र दिनहरू
क्रमशः हुत्तिरहेछ
भावनालाई चलाइदिएझैं
यो समय झन् कालो खील भएर
गाडिने भयो
नव वर्षमा कुनै रमाइलो
अनुभूति चल्मलाउने छैन
ढुक्कै छु–
क्यालण्डेर फेरिंदैमा जिन्दगी फेरिने छैन ।

प्रकाशित मिति : प्रकाशन मिति : आईतबार, 30 आसाढ, 2070

लेखकका अन्य रचनाहरु