नाङ्गा मान्छेहरु

- रमेश पल्लव

नयाँ दौरा-सुरुवाल

वा भनौ नयै सुट-पाइन्ट

वा भनौ नयै पाइजामा-धोती

आलिसान महलहरु

विलासी चिल्ला कारहरु

आकाश छुने चिप्ला आवाजहरु

देश भसाउने कामहरु

सगरमाथा होच्याउने पाइलाहरु

बुद्ध रुवाउने षडयन्त्रहरु

एउटा माच

निरीह कुसीहरु

नाटकमाथि नाटकहरु

बाहिर सुकिला र भित्र काला मान्छेहरु

तँछाड-मछाड नाचिहरेका छन् ।

बाहिर िसंगारिएका

सुकिला र टक्टकाउँदा 'दही चिउरे' अनुहारहरु

बेसुरका तालमा

अत्तो न प पत्तो गीतहरु गाएर

नाचिरहेका छन्/ हाँसिरहेका छन् ।

भोज-भतेर/ जलपान

व्हिस्की/रम/ब्राण्डीमा

रनभुल्ल मान्छेहरु

बेकाइदाका बकम्फुसे गफहरु

लाखौं-कराडौंका आँशुहरु पिइरहेका छन् ।

ताण्डव नृत्यमा-

वस्त्रभित्रका निर्वस्त्र

नाङ्गा मान्छेहरु हाँसिरहेका छन्

नाङ्गा मान्छेहरु नाचिरहेका छन् ।

 

 क्यालिफोर्निया, अमेरिका

 

प्रकाशित मिति : प्रकाशन मिति : आईतबार, 19 फागुन, 2064

लेखकका अन्य रचनाहरु