गजल

- मन्जुलाल श्रेष्ठ

आज बन्द जाममा फँसिरहेछ मेरो देश
गन्तव्यमा पुग्न नपाई रोइरहेछ मेरो देश ।

छातीमा टाँसे मुटुमा राखेँ ढुकढुकी नै अर्पेर
हरेक पल च्वास्स च्वास्स दुःखिरहेछ मेरो देश ।

सहमती र सहकार्यको भाषण मात्र धेरै भो
शान्ति हरायो क्रान्तिमा होमीरहेछ मेरो देश ।

हिमाल, पहाड, तराई पनि आगो सरी जल्दैछ
विस्तारै विस्तारै खरानी बनिरहेछ मेरो देश ।

प्रकाशित मिति : प्रकाशन मिति : शुक्रबार, 11 फागुन, 2069

लेखकका अन्य रचनाहरु