गजल

- विद्याप्रसाद घिमिरे

हिजोआज मीठो भेटघाट हुन थालेको छ
आपसमा मुटु साटासाट हुन थालेको छ ।

लाज बढेबढेजस्तो सङ्कोचको चिनाजानी
लजाएर भुइँ हेर्दै बात हुन थालेको छ ।

कहिले उनी यता हेर्छिन् आफू उनी भएतिर
कहिले भने हेराइ पनि साथ हुन थालेको छ ।

अब उनीसँगै घुम्ने उनीसितै निदाउने हो
बल्ल तारा छुने औकात हुन थालेको छ ।

प्रीतिभित्र पसी हेर्दा सास्ती पनि मस्ती पनि
पत्तै नपाई हाम्रो दिन–रात हुन थालेको छ ।

प्रकाशित मिति : प्रकाशन मिति : सोमबार, 25 आसाढ, 2069

लेखकका अन्य रचनाहरु