गीत

- विश्वराज अधिकारी

जुन तारा जागा थिए बेली चमेली सुबास साथमा
सम्झना छरिएका थिए चारैतिर एक्लो त्यो रातमा

खोज्दै थिए म ती पंक्तिहरु अलि अलि मेटिएको
आफ्नै कथा पढदै थिए म कसैद्वारा लेखिएको

गुन्द्री माथि थिएँ म फैलिएको थियो आँखा भरि आकाश
घरि घरि मलाई छोएर जाने गर्थ्यो पूर्वैया सितल बतास

बटुल्दै थिए सम्झनाका मोतीहरु राख्न मनको पेटारीमा
लाग्थ्यो चारै तिर छ कोही मेरो त्यो बादलु छहारीमा

समयको खोलामा बगेको मेरो त्यो आँशु हाँसो जिन्दगानी
खोज्दै थिए म एकचोटी मात्र उमेरमा फुल्ने फूल त्यो जवानी

प्रकाशित मिति : प्रकाशन मिति : आईतबार, 19 चैत्र, 2068

लेखकका अन्य रचनाहरु