गजल

- विद्याप्रसाद घिमिरे

ती कोमल अङ्गमा सुगन्ध बनूँ म
अँगालो बन्धनमा अनुबन्ध बनूँ म ।

गीत र गजलको सरगम बनूँ कि
कविताका शृङ्गार छन्द बनूँ म ।

सुकुमारी मनकी मनमोहनीलाई
मदहोस नयनमा बन्द गरूँ म ।

प्राण प्यारो भन्दै आँखा तर्नेको
अन्तरङ्ग बिथोल्ने द्वन्द्व बनूँ म ।

होसमा म छैन तिमी बेहोस छ्यौ
यो प्रेम–मदिरा केही मन्द गरूँ म ।

प्रकाशित मिति : प्रकाशन मिति : सोमबार, 29 फागुन, 2068

लेखकका अन्य रचनाहरु