गजल

- विद्याप्रसाद घिमिरे

बुझेर पो के गर्छौ र जिन्दगीको परिभाषा
देखेर पो के गर्छौ र जिन्दगीको यो तमासा ।

लुटिइसके हाँसो–खुसी सपनाहरू हराइगए
दोहो¥याएर के गर्छौ र जिन्दगीको उही भाषा ।

दुःखी हुनु छैन मलाई मेरो संसार दुःखमा छ
जोगाएर के गर्छौ र जिन्दगीको अभिलाषा ।

संसार बैरी भएपछि कसले सुन्छ व्यथाहरू ?
दिलाएर के गर्छौ र खोक्रो जिन्दगीको आशा ।

मर्ने कला काम आउँछ, जिन्दगीले बिर्सेपछि
बचाएर के गर्छौ र जिन्दगीको यो निराशा ।

प्रकाशित मिति : प्रकाशन मिति : मगलबार, 9 फागुन, 2068

लेखकका अन्य रचनाहरु