रातप्रति केही शब्द

- प्रमोद प्रधान

रात --
गोधुलिसँग-सँगै
खेल्दै समयको चिप्लेटी
आइरहेछ हाम्रै घर-आँगनमा !
लौ, तयारी गर
ए, गृहस्थीहरु हो !
कहाँ छन् पानसका सलेताहरु !
ए, दिदी-बहिनीहरु हो !
अहिले नै खोजिराख
कहाँ छन् चकमकका टुक्राहरु
र, सफा गरिराख टुकीका फोहरहरु !
भाइ हो !
तिमीहरु जाऊ-
मैनबत्ती र सलाईका काँटीहरु ल्याएर
ठीक पारिराख !
किनकि,
रात-
गोधुलिसँगसँगै
खेल्दै समयको चिप्लेटी
आइरहेछ हाम्रै घर-आँगनमा !

प्रकाशित मिति : प्रकाशन मिति : आईतबार, 18 कार्तिक, 2064

लेखकका अन्य रचनाहरु