गीत

- दीपेन्द्र के.सी.

हिडिरहेछु अँधेरी रातमा
दिएर तिमीलाई उजेली
वास तिम्रो पराई घरमा
भुलिदैन यो सास रहुञ्जेली ।

भत्काइगयौ कल्पनाको घर
अरुको लहलहैमा लागेर
मिल्यो होला धेरै तिमीलाई
लिइ सर्वस्व छेउ मेरो त्यागेर ।

खाली साथ, रित्तो अँगालो
ओरालीमा म एक्लै झर्दा
चिरियो मुटु यसै
सिंउदो तिम्रो अर्कैले भर्दा ।

सिन्दूरकै कसम आज
प्रीत मेरो अर्कैको पेवा भो
जोडी छुटयो, प्रीत टुुटयो
यो दुःखी एक्लो परेवा भो ।।

ओस्टण्डे, वेल्जियम

प्रकाशित मिति : प्रकाशन मिति : शुक्रबार, 25 कार्तिक, 2068

लेखकका अन्य रचनाहरु