शरदागमन

- विद्याप्रसाद घिमिरे

आयो फेरि शरद् रहरको उन्माद लिई साथमा
हिलो मैलो हट्यो सबतिर न मेघ नै आकासमा ।
हरित कुञ्ज दिन दिन गरि वर्ण फेर्दैछ स्वर्णको
चुलिएका शिखरहरू छन् दृष्टान्त अन्नपूर्णको ।।

लेक—बेँसी चहचह झुल्यो नानाथरिका पिङभैंm
सयपत्री र मखमली पूmल फक्रिदियो रङ्गिन भै ।
बर्षा गयो झलमल भयो दसैँ–तिहार बस्तीमा
वायुभित्र चिसोपन बढ्यो नाच्छ उमङ्ग मस्तीमा ।।

स्वच्छ जल कलकल बग्यो बज्यो मृदङ्ग गुञ्जन
वनबुट्यान हाँगा–पातमा ताण्डव नृत्य मञ्चन ।
पूर्ण यौवना उन्मुक्त जूनले हेरिरहन्छे रातमा
यही यामका किन्नरीहरू लजाउँछन् हर बातमा ।।

प्रकाशित मिति : प्रकाशन मिति : सोमबार, 7 कार्तिक, 2068

लेखकका अन्य रचनाहरु