गीत

- भरत बागलुङे

टुक्रिदैछ यो देशको माटो
लुछिदैछ सिमाना
जोडिन्न भन्छन् फुटेको भाँडो
नफुटाउ बिन्ति कामना ।

नेपाल छ र नेपाली छौँ हामी
पूर्खाको श्राप लाग्ला बरै
कहाँ खानु ढिंडो, कहाँ ओत्नु झरी
भत्केर गए आफ्नो घरै ।

यो माटो हाम्रो पूर्खाको नासो
नमेट/नबेच सिमाना
जोडिन्न भन्छन् फुटेको भाँडो
नफुटाउ बिन्ति कामना ।

केही हैनौँ हामी, कोही हैनौँ
देश भन्दा ठूलो को हुन्छ र ?
सुखको लोभमा आफ्नि आमा
लीलामीमा टाँग्नु हुन्छ र ?

यी आमा भन्दा कम छिन् र देश ?
नमेट आत्मा/भावना
पाइन्न भन्छन् देश र आमा
नलुछ, नकुल्च बिन्ति कामना ।

नारायणस्थान, बागलुङ

प्रकाशित मिति : प्रकाशन मिति : आईतबार, 8 श्रावण, 2068

लेखकका अन्य रचनाहरु