रहस्य

- डा. रवीन्द्र समीर

*म मेरो श्रीमान्सँग सम्बन्धविच्छेद गर्न चाहन्छु ।

किन ? के भो ? के उनी खराब छन् ?

असल छन् ।

पढेलेखेका छैनन् ? बेरोजगार छन् ?

त्यसो त एम.ए. पास गरेका छन्, हाकिम हुन् ।

केही खराब लत होला, होइन ?

एउटा पनि खराब आचरण छैन ।

किन छोड्नुप¥यो त उनलाई ?

उनले मलाई केही पनि दिन सक्दैनन् ।

खान/लाउन दिँदैनन् ?

त्यो त समस्या नै होइन ।

गरगहना/सरसामान दिँदैनन् ?

त्यो त थुप्रै छन् ।

कामको दुःख छ ?

नोकरचाकरहरू छन्, मैले त सिन्को पनि भाँच्नुपर्दैन ।

पैसा दिँदैनन् होला, होइन ?

चाहिए जति दिन्छन्, सबै सम्पत्ति मेरै हातमा सुम्पेका छन् ।

त्यसो भए के दिँदैनन् र सम्बन्धविच्छेद गर्नुप¥यो हँ ?

म यसको उत्तर दिन चाहन्नँ किनकि ममाथि चरित्रहिनको आरोप लाग्न सक्दछ ।

प्रकाशित मिति : प्रकाशन मिति : शनिवार, 17 बैशाख, 2068

लेखकका अन्य रचनाहरु