गजल

- होमशंकर बास्तोला

कतिखेर हारिने हो जिन्दगी छ दाउ
आँसु धेरै बगेको छ दुखेर यो घाउ

दुनियाँको माया गर्न बिर्सिएर होला
आफ्नौ स्वार्थपूरा गर्न कति मोल्छौ पाउ

माटोमाथि चोट पर्दा हाम्रै छाती दुख्छ
जननीको माया गर्न शान्ति गीत गाउ

पुलबाट पारि तर्नु मरेपछि होला
जीवितमा तरिरा’छु सिमलको नाउ

शहरमा कठिन छ बाँच्न आजभोलि
दिनैपिच्छे बढेको छ सामानको भाउ

दुबेकोल–७, खोटाङ

प्रकाशित मिति : प्रकाशन मिति : सोमबार, 14 चैत्र, 2067

लेखकका अन्य रचनाहरु