विवशता

- डा. रवीन्द्र समीर

'सबै वर्वाद भयो ठूले !' गाडी चालकले सोध्यो के भयो मालिक ? 'के भएन भन्न !' लामो सुस्केरा निकाल्दै उसले भन्यो पे्रसर बढेछ, सुगर बढेछ, कोलेस्ट्रोल बढेछ, युरिक एसिड बढेछ, पत्थरी पनि छ रे, प्रोस्टेट पनि बढेको छ रे .... ।

'ठूले ! यो वैभव, यो मान, यो सान .... को अब केही अर्थ रहेन ।' - उसले युद्ध मोर्चामा बन्दी बनाइएको कमाण्डर जस्तो विम्व प्रकट गर्‍यो ।

'ठूले ! समयमै परीक्षण गरेको भए नियन्त्रण हुन्थ्यो रे ।' उसको ढुङ्गे मन पहिलोपटक पग्लियो तैँले सम्पूर्ण स्वास्थ्य परीक्षण गर, पैसाका चिन्ता नगर ।'

'मालिक ! म स्वास्थ्य परीक्षण गर्दिनँ' - ठूलेले गाँठो फुकायो - जचाउँदा मलाई कुनै रोग देखिन्छ कि भन्ने डर लाग्दछ ।

प्रकाशित मिति : प्रकाशन मिति : शनिवार, 12 चैत्र, 2067

लेखकका अन्य रचनाहरु