गीत

- विद्याप्रसाद घिमिरे

मनका पीडा पगालेर आँखाबाट झारेको छु
मभित्रका अभिलाषा भ्रूण छँदै मारेको छु ।

अर्थ खोज्छ जिन्दगीले कैले खोज्छ परिभाषा
नफूल्दैमा वैलाउनेको हुन्न रै’छ कुनै आशा
जिन्दगीको लडाइँमा पाइलैपिच्छे हारेको छु
मभित्रका अभिलाषा भ्रूण छँदै मारेको छु ।

परेलीका दोछायामा हेर्न खोजेँ आफ्नै बिम्ब
हराएका कथा व्यथा साट्न खोजेँ आफैसँग
स्वप्ना देख्ने सपनालाई वहानामै टारेको छु
मभित्रका अभिलाषा भ्रूण छँदै मारेको छु ।

प्रकाशित मिति : प्रकाशन मिति : वुधबार, 26 माघ, 2067

लेखकका अन्य रचनाहरु