कता के भयो

- गीता खत्री

न साथी रह्यो न माया
न पिरतीका कुरा
कति गाढा मायाको
रङ्ग चढेको थियो ।

अब त फिक्का हुँदै
मुर्झाउँदै गयो
अविष्मरणीय छापहरु
बिर्सीन बाध्य भयो ।

कस्लाई सुनाउँ कथा
कस्लाई देखाउँ ब्यथा
आफ्नै पोल्टाको खाजापनि
अरुको भइदियो ।

कति सहुँ पिडा
कसैले नदेख्ने भयो
कोरिएका पत्रहरु पनि
जली खरानी भयो ।

माया धेरै भए पछि
पोखिने रहेछ की
बलि दिन पर्सिएको बोका
जस्तै तर्सियोकी की ।

चोखो मायामा पनि
शंकाको बीउ रोपियो
अमर अजर त के हुन्छ र
विश्वासलाई पनि मारियो ।

न्युयोर्क

प्रकाशित मिति : प्रकाशन मिति : मगलबार, 25 माघ, 2067

लेखकका अन्य रचनाहरु