शुभचिन्तकहरु

- जगदीश घिमिरे

ऊ शुभचिन्तकहरूको बथानले घेरिएको हुन्छ, जसरी सङ्लो खोलाको माछा जालको गोटीले घेरिएको हुन्छ, जसरी कैदी पर्खाल र नेलले घेरिएको हुन्छ, जसरी देश साँध–सिमानाले घेरिएको हुन्छ । ऊ यस कारण बाँचेको थियो कि कुनै शुभचिन्तकले उसलाई मर्ने सल्लाह दिएका थिएनन् ।

शुभचिन्तक नं. १ ले भत्रु भयो – तिम्री पत्नी ठीक छैनन्, छाडिदेऊ ।
उसले त्यागिदियो ।
नं. २ ले भत्रु भो – भोजनले तिम्रो स्वास्थ्य बरबाद गर्छ ।
उसले खान छाड्यो ।
नं. ३ ले भत्रु भो – घर तिम्रो लागि उपयुक्त छैन ।
ऊ रूखमुनि बस्न लाग्यो ।
नं. ४ ले भत्रु भो – लुगा लगाउनाले तिम्रो जीउमा सूर्यको भिटामिन डी जान पाउँदैन ।
ऊ नाङ्गै बस्न लाग्यो ।
नं. ५ ले भत्रु भो – तिमीजस्तो असल मान्छेले यस वाहियात संसारबाट चाँडै मुक्ति प्राप्त गर्नुपर्छ ।
उसले आत्महत्या ग¥यो ।

अनि सबै शुभचिन्तकहरूले मिलेर उसको सिनुको सुरूवा बनाउनु भयो र आजसम्म पनि जति
शुभचिन्तकहरू उपदेश ओकल्नु हुन्छ, त्यसमा त्यै सुरूवाको डकार बढी हुन्छ ।
मलाई आप्mना शुभचिन्तकहरूबाट यही अनुभव भएको छ ।

प्रकाशित मिति : प्रकाशन मिति : सोमबार, 10 माघ, 2067

लेखकका अन्य रचनाहरु