गजल

- नन्दलाल आचार्य

पल्टिनै खोजेको थियो देश थुनथान भएछ
यत्ति नै हुन पनि साह्रै नै धुनधान भएछ।

वर्षौँवर्ष झगडा गर्दै लुछलाछ पार्दा पनि
ठूलो विपत्तिलाई टार्न मात्र तुनतान भएछ।

शत्रु उठ्न लाग्दा पर्यो सद्भाव धरापमा झण्डै
जे हुँदा पनि उनीहरूकै गुनगान भएछ।

यसै भए भोलि देखिने छैन उठेर हेर्दा पनि
आखिर नेपाली मन साह्रै सुनसान भएछ।

तपेश्वरी, उदयपुर

प्रकाशित मिति : प्रकाशन मिति : शुक्रबार, 10 मङ्गसीर, 2067

लेखकका अन्य रचनाहरु