गजल

- चर्चित ढुंगेल

भेट हुँदा तिमी हाँस्दा नहाँसेर नजाती भो
तिमीसँग चोखो माया नगाँसेर नजाती भो

कतिपल्ट रोधिघरमा नतानेकी कहाँ हौ र
तेतिबेला कुमजोडी ननाचेर नजाती भो

तिमीलाई सुन ठानेँ शायद यही भुल भयो
हिरा रैछ्यौ तिमी मैले नजाँचेर नजाती भो

माया बाँढ्दा बढ्छ भनि बाँढिदिएँ जताततै
तिमीलाई दिने माया नसाँचेर नजाती भो

कैयौँचोटी बाटो छेकी नभनेकी पनि होइनौ
तिम्ले आँट्दा मैले पनि नआँटेर नजाती भो


प्रकाशित मिति : प्रकाशन मिति : सोमबार, 15 कार्तिक, 2067

लेखकका अन्य रचनाहरु