गीत

- चर्चित ढुंगेल

राती भयो सुत अब मेरै सपना देख
भोलि बिहान उठेपछि मलाई चिठी लेख

म नहुँदा गिज्याउँछ कि तिमीलाई बतासले
म नहुँदा बिझाउँछ कि तिमीलाई कपासले
बिपनामा नभेटे नि सपनामा भेट
भोलि बिहान उठेपछि मलाई चिठी लेख

मेरै जस्तो तिम्रो मन नि भाको छ कि उदास
छोडे जस्तो लाग्दैछ कि फूलले दिन सुबाश
आउ तिमी यतै आउ यो दुरीलाई मेट
भोलि बिहान उठेपछि मलाई चिठी लेख

दोहा, कतार

प्रकाशित मिति : प्रकाशन मिति : आईतबार, 24 आश्वीन, 2067

लेखकका अन्य रचनाहरु