गीत

- चर्चित ढुंगेल

एउटा मान्छे भन्छ मलाई माया गर्नु आज
एकातिर रहर छ अर्कातिर लाज

मानुँ भने उस्का कुरा परदेशीको हुन्न भर
नमानुँ त उस्का कुरा वैँश त्यसै जाने डर
हात समाएर भन्छ राख्छु मुटुमाझ
एकातिर रहर छ अर्कातिर लाज

मन्दिरमा लान्छ मलाई माग्छ अनि देउतासँग
आखिरिमा गाँस्नुपर्छ मैले माया एउटासँग
भन्छ कमी के छ ममा अरुसँग दाँज
एकातिर रहर छ अर्कातिर लाज

प्रकाशित मिति : प्रकाशन मिति : सोमबार, 14 भाद्र, 2067

लेखकका अन्य रचनाहरु