हितको लडाइँ

- बेजोड गौतम

पाखो बारीको उत्पादनले तीन महिना पनि नथेगेपछि रामलाल मुगलान पस्यो । पाँच महिनापछि चार–पाँच हजार रुपैयाँ बोकेर घर फक्र्यो । ऊ गएदेखि नआएका गरिब नेताहरू आज जम्मा भए । अलिकति चन्दा लिएर गए ।

दुई महिनापछि रामलाल फेरि मुगलान पस्यो । ऊ गएको केही दिनपछि उसकी स्वास्नी थला परी । केटाकेटी भोकभोकै परे । सहयोग गर्न कोही पनि आएन । यही मौकामा रामलालले दुई हजार कम्पनी पठायो । उनीहरूले आखतीमूलो गरे अनि पेटभरि खान पनि पाए ।

तीनचार वर्षपछि ऊ केही पैसा लिएर फक्र्यो । रामलाल आएको थाहा पाएर गरिब नेताहरू उसै दिन जम्मा भए । दःुख–सुखका कुरैकुरामा जहान थलिएको, केटाकेटीको बिचल्ली भएको तर सहयोग गर्न कोही पनि नआएको कुरा निस्क्यो । गरिब नेताहरूका शिर निहुरिए ।

उनीहरूको बीचबाट एकजना गरिब बन्दुकधारी नेता कड्क्यो । ऊ भन्दै थियो– ”ल्याएको पैसा सबै निकाल् ......।”

प्रकाशित मिति : प्रकाशन मिति : मगलबार, 4 श्रावण, 2067

लेखकका अन्य रचनाहरु