केवल शान्ति र सुशासनको आश गर्दै

- बिनोद खड्का

गरिवी र अभावको छेउछाउ हुँदै
चक्का जामहरुको वाटो पार गर्दै
बन्दै बन्दहरुको श्रृखलाहरु माझ
धेरै पटक लुटिदै र धमक्याईदै
धेरै जंघारहरु पार गरिेयो
केवल शान्ति र सुशासनको आश गर्दै ।

भाषणका मीठा शव्दहरुमा लरबरिदै
झुठको संघारहरुमा ठेस खाँदै
महंगो विजुलीका साथमा लोड्सेडिङ झेल्दै
कार्यकर्ता कार्यकर्तामा नै सीमित हुँदै
नेतालाई महानताको पगरी भिराउदै
सबै दूख पीडा झेल्दै आईयो
केवल शान्ति र सुशासनको आश गर्दै ।

अहाँ कस्तो मीठो भाषण सुन्दा सुन्दै
तालीको गडगडाहट पस्कदा पस्कदै
खुल्ला मन्च अगाडी दिउसै तारा गन्दा गन्दै
कल्पनाको महल क्षणमै बनाउदै
झुठै झुठैको विमान धेरै चढियो
केवल शान्ति र सुशासनको आश गर्दै ।

वीस सालदेखि उही नेताहरु भोग्दै
सालौ सालदेखि तीनै पार्टीहरु झेल्दै
मृगतृष्णाको सिकार भई परदेश भासिदै
परदेशमा अनेक कष्ट भोग्दै झेल्दै
स्वदेश फिर्तीको योजना बनाईयो
केवल देशमा शान्ति र सुशासनको आश गर्दै ।

प्रकाशित मिति : प्रकाशन मिति : आईतबार, 26 माघ, 2065

लेखकका अन्य रचनाहरु