गजल

- भाष्कर काजी

नपिउनु मदिरा, पिएपछी सताउँछ
जसरी मगन्तेले दिएपछी सताउँछ ।

प्रेमी साह्रै मायालाग्दो हुन्छ, पहिले
जति सताउनुछ बिहेपछी सताउँछ ।

नजरको युद्धमै मज्जा हुन्छ, माया
कसैसङ्ग मन मिलेपछी सताउँछ ।

भुरा कोक्रोमै ठिक हुन्छ, हल्लाए पुग्छ
जब उभिन्छ अनि हिँडेपछी सताउँछ ।

धोकेबाजको परिचय हो, भन्दा हुन्छ
फकाएर लिन्छ, लिएपछी सताउँछ ।

रुँघा- ७, रुकुम

प्रकाशित मिति : प्रकाशन मिति : शुक्रबार, 15 मङ्गसीर, 2074

लेखकका अन्य रचनाहरु