गजल

- मन्दिरा मधुश्री

मुटु भित्र अल्झेका याद चुडालेर लैजाउ अब
नासो सबै फिर्ता दिएँ सम्हालेर लैजाउ अब ।

मनैभित्र राख्दा पनि कसर छ कि शंका भए
तलाउ छ आँखा भित्र पखालेर लैजाउ अब ।

हामी थियौँ शुन्यतामा धड्कन मात्रै तेज थियो
साक्षी बस्ने यहि मुटु निकालेर लैजाउ अब ।

पसारो छन वाचा कसम यो छातीको मझेरिमा
झुक्किएर कुल्चिएला सङ्गालेर लैजाउ अब ।।

प्रकाशित मिति : प्रकाशन मिति : शुक्रबार, 3 कार्तिक, 2074

लेखकका अन्य रचनाहरु