गजल

- प्रमोद अमात्य

नेतालाई गाली गर्ने नेपाली पन गजब कै हुन्छ
नेता सामु पाउँदा गाउने भजन गजब कै हुन्छ ।

फताहा लुच्चा छुच्चालाई गाली नगर तिमी
यिनीहरु कै सरकारमा जाने लगन गजब कै हुन्छ ।

भन्नलाई देश बिगार्नु बिगा-यो नेताले भन्छौँ
चुनावमा पटके कै जित झन गजब कै हुन्छ ।

संसदमा कुकुर बिरालो जस्तै लड्ने पनि
भत्ता सुबिधा बढ्ने भए आलिंगन गजब कै हुन्छ ।

कोहि आफूलाई गुरु, बाबा अनि साधु भन्छन्
लोभ लालच मोह छैन भन्ने कै धन गजब कै हुन्छ ।।

प्रकाशित मिति : प्रकाशन मिति : शुक्रबार, 3 कार्तिक, 2074

लेखकका अन्य रचनाहरु