गजल

- ऋषि बस्ताकोटी

तिम्रो आफ्नै भाउ छ, मेरो आफ्नै भाउ छ,
नचलाउ भो भित्र कतै, दुख्ने गहिरो घाउ छ ।

शहर होला, शहर जस्तै रहर होला,
तिम्रो भन्दा भिन्दै, मेरो निर्जन गाउँ छ ।

बिर्सिएका कति पात्र बिर्सिएरै जान्छन,
कोही भने घरीघरी मनमन्दिरमा आउँछ ।

शान आफ्नो, निशान आफ्नो, परेशान आफ्नै,
दुनियामा के भन्नु खै, सबको आफ्नै दाउ छ ।

आफ्नै रंग, आफ्नै ढंग आफ्नो अनुहारको
नथपिदेउ कुनै रंग, मेरो आफ्नै नाउँ छ ।

प्रकाशित मिति : प्रकाशन मिति : शुक्रबार, 30 भाद्र, 2074

लेखकका अन्य रचनाहरु