गजल

- भाष्कर काजी

मेटिन्न याद, कसैको तस्बिर जलाएर
रोएर, कराएर, मन्दिर भत्काएर ।

कसैले सडकमा भाग्य खोज्दैछन्
जोगिलाई हातको लकिर देखाएर ।

बिवश र बुद्धिमान खतरनाक हुन्छन्
तिम्ले दु:ख निम्त्यायौ फकिर चलाएर ।

बल देखाउँछ, बिचारको दरिद्र मान्छे
बिजयोत्सब मनाउँछ शरीर ढलाएर ।

ऊ सडकमा पुग्नुको पनि कारण छ
नजरले अन्याय गर्यो तिर चलाएर ।

कसैले सोच्यो, पैसा रुखको पात हो
अनि झार्न खोज्यो अमीर हल्लाएर ।

रुँघा-७, रुकुम

प्रकाशित मिति : प्रकाशन मिति : सोमबार, 12 भाद्र, 2074

लेखकका अन्य रचनाहरु