गजल

- अनुभव आत्रेय

आज फेरि मेरो टोपी खोल्न जोड़ गर्छन्‌ कोही!
चुपचाप मलाई देखी बोल्न जोड़ गर्छन्‌ कोही!!

एकछिन्‌ थकाइ मारेको हूँ रोकिने म कहाँ हो र?
भ्रममा पारी मेरो बाटो मोड्न जोड़ गर्छन्‌ कोही!!

मैले रोप्या सत्यताको फूल मर्ने कहाँ हो र?
झूटको खेती बारीभरि गोड्न जोड़ गर्छन्‌ कोही!!

मेरो आस्था लरतरको फितलो त कहाँ हो र?
फगत्‌ पहराको छाती तोड्न जोड़ गर्छन्‌ कोही!!

गर जे जति तिमी तर हार्ने म त कहाँ हो र?
सपनामै जीतको खाता खोल्न जोड़ गर्छन्‌ कोही!!

- राबङ्ला, दक्षिण सिक्किम

प्रकाशित मिति : प्रकाशन मिति : बिहीबार, 29 आसाढ, 2074

लेखकका अन्य रचनाहरु