गीत

- प्रमोद अमात्य

मलाई रहर छ आफ्नै गीत सुनाउने
मनको कुरा सुस्तरी गुन् गुनाउने
मलाई रहर छ ढकमक्क फुल्ने फल्ने
रहर छ समय मै सुटुक्क झर्ने
म झरेकोमा कसैलाई गुनासो नहोस्
म चुँडिएकोमा कसैलाई चासो नहोस्

म चाहन्छु एक्लै एक्लो हिँड्न
चाहन्छु हिँडिरहन, हिँड्दा हिँड्दै हराउन
म एक्लै हिँडेकोमा सुर्ता नगरुन् कोही
म हराएकोमा खोज्दै पनि नआउन् कोही

मलाई रहर छ आफ्नै गीत सुनाउने
मनको कुरा सुस्तरी गुन् गुनाउने

प्रकाशित मिति : प्रकाशन मिति : बिहीबार, 29 आसाढ, 2074

लेखकका अन्य रचनाहरु