गजल

- सुन्दर शिरीष

म चाहान्छु चूमूँ, अधरमा हजुरको ।
हराउँछु आफैं, नजरमा हजुरको ।

म चर्चा गरुँ के, नगर्नू कसोरी,
बसेकै छु साँच्चै, खबरमा हजुरको ।

छ चिन्ता मलाई, कहाँ छौ कता छौ,
कता हो बसाई, सहरमा हजुरको ।

भयो भुल्न गाह्रो, कसोरी रमाउँ,
सधैं याद मै हो, प्रहरमा हजुरको ।

निदाउँ भने खै, नसक्ने भएँ लौ,
कती रात काटूँ, रहरमा हजुरको ।

(बहर ः मुतकारिब)

सिन्धुपाल्चोक

प्रकाशित मिति : प्रकाशन मिति : शुक्रबार, 26 जेठ, 2074

लेखकका अन्य रचनाहरु