नयाँ भविष्यका आधारहरू

- बैद्यनाथ उपाध्याय

भोलि व्यूँझदा
म अर्कै देहमा
जीवनको नयाँ पडावको
शुरुवात गर्दै गरेको
हुनसक्छु।

धेरै भयो पीडा सहेको
यो देहमा
तर मलाई
अति निर्धो न सम्झ

भोलि
अर्कै जुनीमा
नौलो आश र उद्यम जुटाएर
म नौलो शुरुवातको
जग बसाउँदै गरेको हुनेछु।

कालो पाटीमा
लेखिएका अक्षरहरू
मेटाएसरि
मेटाउनेछु पीर व्यथाका
जम्मै यादहरू
भोलि उदाउने त्यो दिनको
चौडा निधारभरि
कोर्नेछु आफैं
भविष्यका नयाँ आधारहरू।

प्रकाशित मिति : प्रकाशन मिति : शुक्रबार, 26 जेठ, 2074

लेखकका अन्य रचनाहरु