गजल

- भाष्कर काजी

भगवान मन्दिरका टुँडालमा छन्
त्यसैले त उनी सँधै सवालमा छन् ।

आज पनि हुँदैन भाइ तिम्रो काम
सुन्छु कर्मचारीहरु हडतालमा छन् ।

समाज सुधार्छु भन्ने गर्थे मेरा बा
परिणाम ! ऐले अस्पतालमा छन् ।

आफ्नै महलमा बस्छन् लुटेराहरु
विद्वानहरु बर्षौँदेखी बहालमा छन् ।

बुढ बा चर्को घाममा खेत जोत्दैछन्
जवान छोराहरु जुवाको खालमा छन् ।

रुकुम

प्रकाशित मिति : प्रकाशन मिति : शनिवार, 30 बैशाख, 2074

लेखकका अन्य रचनाहरु