गजल

- डा.रुपक श्रेष्ठ

रुपसी यो रुपाताल छाल बैदामताल अहा !
माछापुछ्रे फेवाताल मिठो मायाजाल अहा !

कृष्णजी र गोपिनीको अलौकिक प्रेम लिला
हरेक तालमा उनकै छाँया बाँसुरीको ताल अहा !

दिपाङ्ग मैदी निल कमल शिरमा हजुर सेतो हिमाल
सेतो कमल सेतै हाँसले घेर्छन रुपाताल अहा !

अग्लो हिमाल पहाड फाँट नदी नाला ताल तलाऊ
दुई आँखाभरी पाऊँ सँधै मेरो नेपाल अहा....!

प्रकाशित मिति : प्रकाशन मिति : शुक्रबार, 15 बैशाख, 2074

लेखकका अन्य रचनाहरु