गजल

- एकु घिमिरे

चखेवाको जोडी भन्ने उखान एकातिर
लोग्ने-स्वास्नी झगडाको तुफान एकातिर।

साली कस्को?प्रश्न गरे'भेनाको'हो उत्तर!
शंका गर्ने ससुरा र जेठान एकातिर।

स्वाजिलेण्डका महाराजले चौधौं रानी छाने!
उस्तै कामको कतै पूजा,बद्नाम एकातिर ।

ॠद्धि-सिद्धि अँगालेथे गणेशजीले पनि
माछासँग लहसिने हनुमान एकातिर।

इन्द्रजी र विष्णुजीका छलका कथा धेरै!
उनैलाई मान्छौं हामी भगवान एकातिर।

प्रकाशित मिति : प्रकाशन मिति : शुक्रबार, 20 फागुन, 2073

लेखकका अन्य रचनाहरु