चिहान

- जिग्मी डी. भोटिया

तिम्रो मानसपटमा नअटाएको
तिम्रो सोचमा नजमेको
तिम्रो विचारमा भत्किएको
चिहान
जो कदापी नयाँ होइन।

युगौंदेखि
हजारौं लास गाड़िएको ठाउँ हो त्यो
जहाँ तिमी गाड़िन्छौ
जहाँ म गाड़िन्छु
जहाँ हामी गाड़िन्छौं
एकाएक पुरिन्छौं
अनि प्राय: तुरिन्छौं।

बिन्ती
तिम्रो-मेरो अनि
हाम्रो लाससितै
हाम्रो आस्था
अनि अस्तित्वको धरोहर
फगत्‌ नपुरियोस।

गान्तोक, सिक्किम

प्रकाशित मिति : प्रकाशन मिति : बिहीबार, 13 माघ, 2073

लेखकका अन्य रचनाहरु