गजल

- कोमल भट्ट

विरह भो प्रवास
न छ खुसी न आस ll

कुशलता हरायो
मन भरी छ त्रास ll

न त मिल्यो धरा याँ
न त मिल्यो अकास ll

अब बढे छ ग्लानि
कटिसकें पचास ll

सकसले सताए
सुख भयो खलास ll

कति खपौँ म पीडा
पलपलै छु उदास ll

म त रुखो हुँदै छु
मरिसके मिठास ll

प्रिय छ मातृभूमि
छ फिरिने प्रयास ll

छन्द - हिउँचुली
(विश्राम - ४ मा)

चन्द्रागिरी नगरपालिका,
वा.नं.२१-पुरानो नैकाप, काठमाडौँ

प्रकाशित मिति : प्रकाशन मिति : शुक्रबार, 1 पौष, 2073

लेखकका अन्य रचनाहरु