गजल

- निलम फुयाल स्पन्दन

बुध्दलाइ त दावी अझै, गरिराछन् हाम्राे भनेर
मिलेदेखि सार्थे हाेलान्, सगरमाथा राम्राे भनेर ।

नदी बगेकै छन दक्षिण, जान्छन् थुनेपनि जसै
बाँध बाँधी-बाँधी दिए, के जान्छ र हाम्राे भनेर ।

मरिहत्ते गर्छन् ज्यानै दिन्छन्, राेकिंदैनन् क्वै गरी
जदाै गर्छन् खुट्टै ढाेग्छन्, भगवान हाे याे हाम्राे भनेर ।

नेताहरू पनि पाे धाइराछन्, उसैगरी निरन्तर उतै
दावी भएनन् रे बरू जंगबहादुर, शायद् चाम्राे भनेर ।।

धरान - २३

प्रकाशित मिति : प्रकाशन मिति : शुक्रबार, 1 पौष, 2073

लेखकका अन्य रचनाहरु