गजल

- भाष्कर काजी

एउटै हो मैले भोगेको दुनियाँ
र तिम्ले आँसु पोखेको दुनियाँ ।
:
कति सुन्दर लाग्छ बाहिरबाट
गजब रहेछ खोल ओढेको दुनियाँ ।
:
तिमी सरिगयौ तर म भोग्दैछु
उस्तै छ तिम्ले छोडेको दुनियाँ ।
:
म सोच्थेँ यो सब मेरो आफ्नै हो
अजिव रैछ मैले रोजेको दुनियाँ ।
:
म उस्तै छु कि समाज उस्तै हो
अहँ भेटिएन मैले रोजेको दुनियाँ ।
:
अनुमती छैन नयाँ सुनाउने यहाँ
जो कोहि सुनाउँछ घोकेको दुनियाँ ।

रुँघा ७, रुकुम

प्रकाशित मिति : प्रकाशन मिति : बिहीबार, 4 कार्तिक, 2073

लेखकका अन्य रचनाहरु