गजल

- भाष्कर काजी

दङ्गा हुनसक्छ फसाद हुनसक्छ
अनि चारैतिर अभाव हुनसक्छ ।

यो देशमा कोहि बोहुलायो भने
नेता हुनसक्छ सभासद हुनसक्छ ।

आत्मसम्मान गुम्ने परिस्थितिमा
बुझ तिम्लाइ कतै दबाव हुनसक्छ।

जिउ ढाक्ने कपडा लाउनै मान्दैनन
भुरालाइ आधुनिक प्रभाव हुनसक्छ ।

जब नोकर आफै उभिन सक्छ नि
तब मालिक साँच्चै बर्बाद हुनसक्छ ।

मैले बडासामु उभिएर बोलेँ भने
यो उसलाई गतिलो जबाफ हुनसक्छ।

रुँघा ७, रुकुम

प्रकाशित मिति : प्रकाशन मिति : शुक्रबार, 14 आश्वीन, 2073

लेखकका अन्य रचनाहरु