गजल

- मुकेश राई

झुल्के घाममा टल्किएको शित मेरो जीवन
बिरही धून भरिएको गीत मेरो जीवन !

नौरङ्गी पुतली झै मनका रहर उड्छन
कतै पोख्न नसकेको प्रित मेरो जीवन !

भेट्न् खोज्छु लक्ष्य सधैं टाढा भागिजान्छ
च्याँखे थाप्दा दाउ परेको जित मेरो जीवन !

कति आफ्ना कति पराई चिन्न गाह्रो यहाँ
दुश्मन पनि आफ्नै मान्ने मीत मेरो जीवन !

जातजाती धर्म वर्ग संस्कृति छन अनेक
मानवता नै धर्म ठान्ने रित मेरो जीवन !

सहज छैन यात्रा हिंड्न बाटो पहिल्याएर
भुल्न कहिले नसकिने अतित मेरो जीवन !

प्रकाशित मिति : प्रकाशन मिति : शुक्रबार, 17 भाद्र, 2073

लेखकका अन्य रचनाहरु