गजल

- अनुभव आत्रेय

मान्छेहरूको दुनियामा मानवता भेटिएन
कोलाहल छ जताततै नीरवता भेटिएन।

आफ्नै दूनो सोझ्याउने सबको दाउ आफ्नै
आवरण र भित्री मनमा समानता भेटिएन।

बगैंचामा आजभोलि काँड़ाहरू फस्टाउँदाछन्‌
फूलमा पनि किन हो कोमलता भेटिएन।

साधुहरू धेरै-धेरै कालो आत्मा बोकी हिंड्ने
यूधिष्ठिरमा पनि आज सत्यता भेटिएन।

माहाभारत मच्चिँदो छ अझै पनि परिवारमा
अस्तित्व नै मिट्दा पनि एकता भेटिएन।

प्रकाशित मिति : प्रकाशन मिति : सोमबार, 24 श्रावण, 2073

लेखकका अन्य रचनाहरु