गजल

- शारदा खड्का

अधिकार माग्ने हाइन खोस्न अघि सर नारी
नारा मात्र नघन्काई वास्तविकता छर नारी ।

विश्व हेर नारीले’नि चन्द्रमामा पाइला टेके
नेपाली पो के कम छौं र संघर्ष गर नारी ।

महिला पुरुष बराबरी भाषण अनि कानुनमा
यी आदर्श सार्थक पार्न यथार्थमा झर नारी ।

एक्काइसौं शताब्दीमा सहनु हुन्न शोषण दमन
साहस जुटाई पुरुषभन्दा तिमी अघि पर नारी ।

गर्नैपर्छ प्रतिस्पर्धा असम्भव यहाँ केही छैन
सफलताको शिखर जँघार आजै देखि तर नारी ।

ओख्रेनी –२, रामेछाप

प्रकाशित मिति : प्रकाशन मिति : शुक्रबार, 7 श्रावण, 2073

लेखकका अन्य रचनाहरु