गजल

- कोमल भट्ट

म वेदनामा कसरी बसौँ
प्रताडनामा कसरी बसौँ

बढे सधैं नै मनमा व्यथा
छु तर्कनामा कसरी बसौँ

थियो भने पङ्ख म उड्दथें
विडम्बनामा कसरी बसौँ

जताततै देख्दछु जाल झैं
कुभावनामा कसरी बसौँ

विरानु झैं लाग्छ सबै यहाँ
छुचोपनामा कसरी बसौँ

हुँदैन आफ्नो परदेशमा
अचिन्तनामा कसरी बसौँ

झुकेन यो शिर कतै पनि
र याचनामा कसरी बसौँ

सूत्र - lSl SS l lS l S
विश्राम – ५ अक्षरमा

चन्द्रागिरी न.पा -२१, काठमाडौँ, हाल:-न्युयोर्क,अमेरिका

प्रकाशित मिति : प्रकाशन मिति : बिहीबार, 16 आसाढ, 2073

लेखकका अन्य रचनाहरु