गजल

- तुलाधर विश्वकर्मा

आज फेरी नेपाल बन्द छ महासय ।
सडकभरि टायरको गन्ध छ महासय ।।

छोरी पोइल गएपनि चक्काजाम गर्छन् यहाँ,
विनाश तीब्र विकास भने मन्द छ महासय ।।

जुट्नु भन्दा फुटाउन खोज्नेहरु धेरै छन्,
एउटै नारा तर फरक छन्द छ महासय ।।

शान्ति आयो भनी गाला बजाउनु ब्यर्थै भयो,
भित्र भित्रै डरलाग्दो द्वन्द छ महासय ।।

नयाँ युगमा नयाँ कुरा गरौं भन्छन भन्नेहरु,
‘तुलाधर’ लाई यो सब कुरा अन्ध छ महासय ।।

–खजुराखुर्द १ (बाँके) नेपालगञ्ज

प्रकाशित मिति : प्रकाशन मिति : शुक्रबार, 10 आसाढ, 2073

लेखकका अन्य रचनाहरु