गीत

- प्रकाश बजगार्इं अन्जानपथ

खुल्दुली घोल्दैछ मनमा, मुस्काएर घेर्नेको
झझल्कोमा झुम्यो तस्बिर, सर्माएर हेर्नेको@!

देउताले दिएको आशिष , राम्री पनि विछट्टै
लुट्न अति सिपालु छेउ , हृदय नै यो झट्टै
खासखुसमैँ बोल्दैछ चर्चा , पल्काएर बेर्नेको
झझल्कोमा झुम्यो तस्बिर , सर्माएर हेर्नेको@!!

लोकप्रिय मान्छेको तारिफ, गर्छु भन्दा अधुरै
टल्किएकी मलाई लाग्यो , हिमालमा झुल्केरै
सुस्केरा खोल्दैछ डरमा, तर्साएर केर्नेको
झझल्कोमा झुम्यो तस्बिर, सर्माएर हेर्नेको@!!!

प्रकाशित मिति : प्रकाशन मिति : बिहीबार, 16 बैशाख, 2073

लेखकका अन्य रचनाहरु