गीत

- तुलाधर विश्वकर्मा

मध्यराति सपनीमा झस्किएर उठेँ म त ।
थामे मन सकिएन चस्किएर उठेँ म त ।।

आमा सम्झेँ, बाबा सम्झेँ, सम्झे प्यारी अनि छोरो
झरी लाग्यो, हुरी चल्यो, गयो दिलमा ठूलो पहिरो
निदरीमै पीर ब्यथा पस्किएर उठेँ म त
थामे मन सकिएन चस्किएर उठेँ म त ।।

पोहर—साल बन्धकीमा साहुलाई बेच्दा टारी खेत
छाति पिटी रोएँ भन्थे बेहोशी भई हराई चेत
सम्झी दुख दैवसँग ठुस्किएर उठेँ म त
मध्यराति सपनीमा झस्किएर उठेँ म त
थामे मन सकिएन चस्किएर उठेँ म त ।।

खजुरा खुर्द –१ (बाँके) नेपालगन्ज

प्रकाशित मिति : प्रकाशन मिति : बिहीबार, 18 चैत्र, 2072

लेखकका अन्य रचनाहरु