गीत

- राजु “हिमांशु”

आँखाको झ्यालमा बसाऊ मलाई
माया चियाउने रहर छ
मुटुको आसनमा बसाऊ मलाई
विश्वास दिलाउने रहर छ

भन्दै जाऊ तिमी म सुनिदिन्छु वेदना तिम्रो
छर्दै जाऊ तिमी म टिपिदिन्छु चाहना तिम्रो

यादको घरमा पसाऊ मलाई
अमर क्षण दिने रहर छ
आँखाको झ्यालमा बसाऊ मलाई
माया चियाउने रहर छ

गाउँदै जाऊ तिमी म सुनिदिन्छु गीत तिम्रो
गाँस्दै जाऊ तिमी म पैरिदिन्छु प्रीत तिम्रो

मायाको सागरमा डुबाऊ मलाई
मायाले भिज्ने रहर छ
आँखाको झ्यालमा बसाऊ मलाई
माया चियाउने रहर छ

प्रकाशित मिति : प्रकाशन मिति : बिहीबार, 27 फागुन, 2072

लेखकका अन्य रचनाहरु