गीत

- प्रकाश बजगार्इं अन्जानपथ

जिन्दगीले पछार्‍यो हजुर, कुन लहरा समाइ उठूँ
एैँसेलु भै कोतर्‍यो हजुर, के सहारा बनाइ छुटूँ@!

केही मीठो फलको अपेक्ष्या जाग्यो, स्वादैले म खरिएछु
दबदबे धाप रैछ यात्रा मेरो, अचम्मैले म पुरिएछु
परिवेशले लछार्‍यो हजुर , कुन पहरा समाइ उठूँ
एैँसेलु भै कोतर्‍यो हजुर, के सहारा बनाइ छुटूँ !!

केही अनौठो कृति लालित्य रच्यो, शिल्पैले म भरिएछु
भुसभुसे राप रैछ भाषा मेरो, घृणैले म छरिएछु
अपवादले बजार्‍यो हजुर, कुन चहारा समाइ उठूँ
एैँसेलु भै कोतर्‍यो हजुर, के सहारा बनाइ छुटूँ

प्रकाशित मिति : प्रकाशन मिति : शुक्रबार, 15 माघ, 2072

लेखकका अन्य रचनाहरु