अनि न्यानो हुन्छ

- रिता साञ्चियोनी

तिमी भए ठाउँ
मथ्थर हुन्छ
मेरा हिउँदको
उदास आँधी ।

मलाई आराम दिने हरेक चिज
त्यहीं कतै छ
तिम्रा ओठ र
छातीका बिचमा ।

यो उपहार दियौ भने तिमीले
टल्किनेछु म
घाममा टल्किएको बालुवाजसरी ।

म मेरो अँगालोलाई
तिम्रो न्यानोपनको वरिपरि पोखिदिन्छु
र लल्याकलुलुक भएर
समर्पित हुन्छु ।

यो अँगालो
आफैँ नै
जीवनसँग बाँधिन्छ ।

इटाली

(मूल इटालियनबाट कवि स्वयम्‌ले गरेको अङ्ग्रेजी अनुवादबाट सुमन पोखरेलद्वारा अनुदित)

प्रकाशित मिति : प्रकाशन मिति : आईतबार, 24 आश्वीन, 2072

लेखकका अन्य रचनाहरु